Академия

Академия туралы

Халықаралық білім және ғылым академиясы — ғылым және білім саласында 5 жылдық тәжірибесі бар, заманауи технологиялар мен инновацияларға басымдық беретін ғылыми-зерттеу және білім беру орталығы. Академия жоғары деңгейдегі зерттеушілерді, магистрлерді және докторанттарды қолдауға бағытталған.

Біз ғылыми зерттеу бағдарламаларын жүзеге асырып, біліктілікті арттыру курстарын ұйымдастырамыз, сондай-ақ ғылыми кадрлардың кәсіби дамуына, ғылыми жобаларды іске асыруға және инновациялық шешімдерді енгізуге қолдау көрсетеміз. Академия ғылыми-зерттеу, оқыту-кеңес беру және құқықтық қолдау саласында коммерциялық емес ұйым ретінде қызмет етеді.

Қазақстандағы жасанды интеллект (ЖИ) бағытындағы алғашқы ғылыми журнал — «Ғалым – Scientist» — біздің академиямыздың бастамасымен жарыққа шығып, ғалымдар мен зерттеушілерге халықаралық деңгейде ғылыми мақалалар жариялауға мүмкіндік береді.

Сонымен қатар, академия Scopus, Web of Science және басқа да халықаралық ғылыми дерекқорларға мақала жариялауға көмек және кәсіби кеңес береді. Бұл зерттеушілердің ғылыми нәтижелерін әлемдік деңгейде танытуға мүмкіндік жасайды.

Академия Қазақстан Республикасының Ғылым және жоғары білім министрлігі мен Оқу-ағарту министрлігінің мемлекеттік білім және ғылым саясатын іске асыруда маңызды рөл атқарып келеді.

Сонымен қатар, академия Ресей Федерациясы, Қырғыз Республикасы, Өзбекстан Республикасы, Тәжікстан Республикасы, Беларусь Республикасы, Түркия Республикасы және басқа да халықаралық серіктестермен ғылыми ынтымақтастық орнатқан.

Академия міндеттері:

• Ғылыми зерттеушілерді, магистрлерді, докторанттарды және жас ғалымдарды қолдау және кәсіби дамуын қамтамасыз ету.

• Жасанды интеллект және басқа да өзекті ғылыми салаларда зерттеу бағдарламаларын ұйымдастыру және жүргізу.

• Ғылыми кадрлардың біліктілігін арттыруға бағытталған курстар мен тренингтер ұйымдастыру.

• Ғылыми жобаларды іске асыруға, инновациялық технологияларды ендіруге қолдау көрсету.

• Ғылыми-зерттеу жұмыстарына қатысатын студенттер мен жас ғалымдардың ғылыми ізденістерін үйлестіру және ынталандыру жүйесін дамыту.

• Ғылыми мақалаларды Scopus, Web of Science және басқа халықаралық дерекқорларға жариялауға кәсіби кеңес беру және қолдау көрсету.

• Қазақстан Республикасының білім және ғылым саласындағы мемлекеттік саясатын жүзеге асыруға атсалысу.

• Халықаралық ғылыми ынтымақтастықты дамыту, шетелдік ғылыми орталықтармен тәжірибе алмасу.

Орталықтың негізгі қызметі:

• Ғылым мен білім саласындағы жаңа зерттеулерді жүргізу және инновацияларды енгізу.

• Жас ғалымдар мен зерттеушілердің ғылыми әлеуетін дамытуға бағытталған қолдау көрсету.

• Халықаралық ғылыми басылымдар мен дерекқорларға (мысалы, Scopus, Web of Science) мақала дайындау және жариялау бойынша кәсіби қолдау.

• Жасанды интеллект пен цифрлық технологиялар саласында білім беру және ғылыми жобаларды дамыту.

• Пәндік семинарлар, тренингтер мен конференциялар ұйымдастырып, ғылыми тәжірибе алмасуды қамтамасыз ету.

• Халықаралық ғылыми ұйымдар мен әріптестермен серіктестік орнатып, тәжірибе алмасу.

• Қазақстанның білім және ғылым саласындағы мемлекеттік бағдарламаларын іске асыруға атсалысу.